Некои лекови за намалување на високиот крвен притисок можат кај жените да го зголемат ризикот од рак на панкреас после менопаузата, покажала новата студија. Имено, се покажало дека краткотрајните блокатори на калциумовите канали (CCB) можат да го зголемат ризикот од рак на пaнкреасот за 66 проценти.
Жените кои користеле три или повеќе години краткотрајни блокатори на калциумовите канали имале ризик од рак на панкреас поголем за два пати.
Во краткотрајните блокатори на калциумови канали се сметаат нифедипин, никардипин и дилтиазем
Меѓутоа, пациентите кои ги земаат овие лекови не треба да паничат, бидејќи нивниот апсолутен ризик од развој на карцином на панкреасот и понатаму е многу низок.
Во истражувањето учествувале повеќе од 145 000 жени на возраст од 50 до 79 години.
Ракот на панкреас е четврта водечка причина за смрт од рак во САД. Обично ги напаѓа постарите возрасни лица со хронични медицински состојби, како висок крвен притисок, било истакнато на Годишната средба на Американската асоцијација за истражување на карциномот.
