Доколку забележите промени во циклусот, најдобро е да го посетите вашиот матичен гинеколог за да проверите да не станува збор за полицистични јајници, хормонален дисбаланс или можеби проблеми со штитната жлезда.
Еве што се може да влијае на должината на менструалниот циклус:
Земате терапија
Таблетите за штитната жлезда, стероидите или антибиотиците може да го пореметат нивото на хормони во телото, па и да дојде до промена на траењето на менструацијата. Консултирајте се со вашиот гинеколог.
Промена на телесната тежина
Доколку сте забележиле дека менструалниот циклус ви трае подолго од порано и добивате вишок килограми, тоа е знак дека најверојатно во вашето тело се лачи поголема количина на естроген што може да биде причина за долги и болни менструации.
Стрес
Стресот влијае на менструалниот циклус на различни начини – менструацијата дури може и да изостане. Затоа доколку поминувате низ стресен период, побарајте стручна помош.
Вишок естроген
Естрогенот може да се најде во пластика, пестициди и некои намирници кои ги јадете, како што е месо кое е полно со хормони. Затоа, јадете храна богата со влакна која ќе спречи прекумерно апсорбирање на овој хормон во телото.
