По повеќе од половина година од појавата на новиот коронавирус, речиси сите сме запознаени со вообичаените симптоми на КОВИД-19: температура, сува кашлица и замор. Некои луѓе чувствуваат и болки, губење на осетот за мирис и за вкус, како и тегоби во грлото. Пациентите со поблага клиничка слика може да очекуваат подобрување на состојбата за само неколку недели. Но, постојат и уверливи докази дека тоа не е секогаш така. КОВИД-19 може да остави и долготрајни последици, не само кај потешко болните и повозрасните лица.
Според научниците во текст објавен на стручниот портал The Conversation, КОВИД-19 не е само инфекција на белите дробови, туку е болест на белите дробови.
Коронавирусот SARS-CoV-2 ги инфицира клетките на респираторниот тракт и може да предизвика по живот опасно воспаление на белите дробови. Но, како што нагласуваат научниците, низа на симптоми влијае на различни делови на телото. Покрај детално опишаните симптоми: кашлица, температура и губење на осетот за мирис, има и други ефекти. Тоа вклучува замор, осип, главоболка, болки во стомакот и пролив. Лицата кои развиваат потешка форма на болеста, пријавуваат и збунетост, силни болки во мускулите, кашлица и краток здив.
Околу 20% од заразените со КОВИД-19 бараат хоспитализација за да се лекува пневмонијата, а на многумина им е потребен и кислород. Кај околу 5% од слуачевите, воспалението на белите дробови станува толку сериозно да пациентите се примени на интензивна нега со поддршка во дишењето, велат авторите на текстот.
Лицата со тешка форма на болеста покажуваат изменет имунолошки одговор, дури и во рана фаза на болеста. Имаат помалку имуни клетки, кои не успеваат ефикасно да го контролираат вирусот, па наместо тоа страдаат од воспалителен одговор, познат како “цитокинска олуја“. Тоа е еден од главните фактори кој болеста ја прави толку сериозна кај некои пациенти.
Се очекува секој со тешка болест да трпи долготрајни последици. Но, се чини дека коронавирусот има трајни симптоми, дури и кај лица со поблага форма на болеста.
Пациентите кои се негативни на тест и ја прележале инфекцијата пријавуваат долготрајни симптоми како:
- “Матна“ глава
- Вознемирен желудник
- Зуење во ушите
- Вртоглавица
- Останување без здив
- Трнење на телото
- Болки во рацете и нозете
- Замор
- Депресија
- Анксиозност
- Пост-трауматско стресно пореметување.
