Наглото дебелеење или слабеење без промена на прехранбените навики, несоница, главоболка, неправилен менструален циклус, замор, паѓање на косата, депресија. Сите овие може да бидат симптоми на недостаток или на вишок хормони.
Еден од тие хормони е хормонот на стрес. Го лачат надбубрежните жлезди, хипофизата и хипоталамусот. Конвенционалната медицина го третира при апсолутен недостаток, односно кога надбубрежните жлезди не работат или при хиперпродукција на кортизол, најчесто поради тумор или терапија. Сите останати состојби на неурамнотежено производство на кортизол се препуштени на нас, со нив да се носиме како знаеме и умееме.
Надбубрежните жлезди создаваат кортизол, но и адреналин, алдостерон, како и дехидроепиандростерон (ДХЕА) – хормони кои го контролираат создавањето и искористувањето на енергијата во телото. Кортизолот е главен хормон на разградување (катаболизам), а ДХЕА на градење (анаболизам).
Односот на анаболните и катаболните хормони ја покажува состојбата на нашето тело. Високото ниво на кортизол со намалени нивоа на ДХЕА, естрадиол, прогестерон или тестостерон ќе доведе до пропаѓање на телото и појава на многу болести. Но, при високо на ниво на кортизол со силни жлезди кои произведуваат доволно полови хормони и ДХЕА, телото нема да ги почувствува последиците од хроничниот стрес.
Кортизолот најмногу се лачи во утринските часови, кога телото е најподготвено за различни активности, попладне и навечер нивото на кортизол е најниско, а по 20 часот, драстично се намалува.
Тоа значи, дека би требало да стануваме околу 06 часот, активностите да ги планираме за претпладне, кога организмот е најподготвен за борба со стресот, а најважно е сите физички и ментални активности да се завршат до 20 часот, и на спиење да се отиде до 22 часот. Иако звучи како утопија, за телото тоа е единствено исправно решение.
КАКО ДА ПРЕПОЗНАЕТЕ НЕДОСТАТОК?
Уморни сте, дебели, слаби, имате сува кожа, проблеми со паѓање на косата и кршливи нокти, темни подоочници, флеки на лицето? Често сте и настинати, со воспалени синуси, ве боли желудникот, имате проблеми со штитната жлезда и срцебиење, анксиозни сте, раздразливите, викате по децата и партнерот, се будите навечер, се чувствувате незадоволно? Посомневајте се на кортизолот.
Како да си помогнете? Со одморање и здрава исхрана која ќе ги подмири сите енергетски потреби на телото, за тоа да не мора да произведува енергија од сопствените залихи, а се добива од зеленчукот, овошјето, протеините од месото, мешунки и млечните производи.
На телото со дисбаланс на кортизол, пред се има потреба од витамин Ц, витимини од Б групата, кои се исклучително важни во регулирање на хормоните на надбубрежните жлезди, магнезиум и омега-3.
