“Како се повеќе резултати од клинички испитувања стануваат достапни на научниците, се е појасно дека веројатно не постои еден магичен пристап во лекувањето на пациентите заболени од КОВИД-19, и мора да применуваме комбинација на неколку мерки кои ќе делуваат на клучните фактори на коронавирусот“, напишала проф. Монтсерат Пуиг и нејзините колеги во извештајот објавен во списанието Frontiers of Immunology.
“Се додека не биде достапна вакцина и лекови наменети за лекување на КОВИД-19, веројатно терапијата ќе мора да ја прилагодуваме на секој пациент одделно. Досегашната пракса, од ден на ден, ни укажува на тоа дека SARS-CoV-2 различно делува на различни пациенти и дека на исходот на болеста влијаат бројни фактори“, истакнуваат авторите на студијата.
Истражувањето со кое биле опфатени 30 различни досега применувани лекови, упатува на заклучок дека во различни фази на болеста, може да бидат ефикасни и различни терапии.
“Во почетниот стадиум на болеста, веројатно би било доволно да се примени лекување чија цел е да се оневозможи продорот на вирусот во клетките, како и негово размножување. Кај пациентите со потешки симптоми на болеста, е поважно и поефикасно да се поттикне одговор на имуниот систем во борба против вирусот“, појаснува проф. Пуиг.
