Појадокот е најважниот оброк во денот, особено ако сакате да ја изгубите прекумерната тежина. Но, ако почнете да се чувствувате глад повторно околу 10 или 11 часот, почнете да размислувате да одберете поинаква, „попаметна“ храна за најважниот оброк во текот на денот.
Најдобар избор е – овесна каша, тоа го потврдува и најновото истражување објавено во списанието „Annals of Nutrition & Metabolism“.
Зошто токму овесот?
Овесот и неговите деривати како каша и снегулки се исклучително здрави, а доколку мислите дека овесната каша се јаде само за појадок, се лажете. Може да се меша во речиси сите јадења, како прилог, додаток на варива или салата или разновидни слатки верзии. Таа, исто така, може да биде и основа на здрави десерти, колачиња, пишува „Хафингтон пост“.
Ве држи сити подолго време
Влакната кои ги содржи овесната каша делуваат така што го зголемуваат обемот на изедената количина во нашиот дигестивен систем, што ќе ве натера да се чувствувате сито подолго време. Покрај тоа, благодарение на влакната, овесот го стимулира варењето и е двигател на метаболизмот, така што е идеална храна за сите оние кои сакаат да го изгубат вишокот на тежина.
Го намалува холестеролот
Богата со влакна, овесната каша има способност да ги врзува мастите за себе и на тој начин да го намалува нивото на лошиот холестерол во крвта. Така го штити и здравјето на срцето и крвните садови и го намалува ризикот од срцев удар и мозочен удар.
Овесот го стимулира варењето и е двигател на метаболизмот, така што е идеална храна за сите оние кои сакаат да го изгубат вишокот на тежина.
Го намалува притисокот
Од сите јадења со кои можете да го стабилизирате крвниот притисок, овесната каша е една од најмоќните намирници. Ефикасната состојка на овесната каша е лигнан, растително влакно, а студиите покажале дека редовното консумирање може да го намали крвниот притисок до 30 проценти.
Го намалува ризикот од рак
Намирниците со цели зрна, вклучително и овесните снегулки, го намалуваат ризикот од рак на дебелото црево, покажала студијата објавена во „British Medical Journal“. Покрај тоа, истражувањата покажале дека овесот го намалува ризикот од рак на дојка, простата и рак на јајниците.
