Д-р Татјана Аџиќ Вукичевиќ, раководител на ковид болницата Батајница во Белград, вели дека коронавирусот е променет, но и понатаму создава тешки форми на болеста и тоа кај младите.
“Интересно е дека има заболени кои без проблем се движат, немаат големи тегоби, а кога ќе им ја погледнете снимката на белите дробови, помислувате дека уште утре може да починат. Таквите пациенти мора да ги задржиме, да им се даде терапија и да ги следиме во наредните денови за да видиме во кој правец ќе оди нивното опоравување“, вели д-р Аџиќ Вукичевиќ
Таа вели дека нема правила кој ќе биде потешко болен, помлади или постари.
“Можеби сега немаме многу тешко заболени во дваесетите години, но имаме многу пациенти во триесетите. Тоа се тешки и комплицирани болни и сите мора да бидат приклучени на кислород. Некогаш поради прогресија на болеста и создавањето на тромбоза, мора да апмутираме рака или нога“, објаснува докторката.
Носителите на вирусот, кои немаат воспаление на белите дробови, не мора да бидат во болница, но иако имат промени на снимката или пореметни параметри на воспаление, за кои говорат ЦРП или леукоцитите во анализата на крвта, тие мора да бидат во болница. Тоа посебно се однесува на оние кои имаат придружни болести, дијабетес, артериска хипертензија, обезност, малигна болест или примале имуносупресивна терапија.
“Кај поголем процент од починатите нема класично воспаление на белите дробови, туку се работи за тромбови кои прво се создаваат во белите дробови, па потоа во мозокот, црниот дроб, слезената, екстремитетите. Тие се откачуваат и не знаете каде ќе завршат“, вели таа.
“Ги следев пациентите кои се опоравија од КОВИД-19 во првиот бран и имаа страшни последици. Не можеа да дишат, да се истушираат, да извршат лична хигиена… Беше потребно време да се вратат во нормала. Од 300 пациенти, можеби еден не успеал да се врати во нормални параметри на белодробните функции“, потеницра д-р Д-р Аџиќ Вукичевиќ.
