За да станете зависник, потребно е да поседувате одредени предиспозиции, кои заедно со вашата личност претставуваат предуслови за зависност. Одредени луѓе се зависници од наркотици, некои се алкохоличири, додека некои имаат проблеми со игрите на среќа. Меѓутоа, не се тие единствени форми на зависност.
Од тоа кој каква личност е, зависи и брзината и начинот на кој ќе стане зависник. Некои луѓе многу долго може да „уживаат„ во различни опијати и притоа тоа го сметаат за забава – пред да станат зависни, додека на некои им е доволно само еднаш да пробаат и веднаш да бидат зависни.
Секако, зависноста е голем проблем. Оние кои лесно се навикнуваат на било што, имаат некој вид на генетски проблем, кој не мора да биде поврзан со психијатриска дијагноза. Со ова прашање се занимаваат научници кои ја изучуваат личноста, па така дошле до заклучок дека не е само еден тип на карактер склон на зависности.
Наклоноста кон зависноста може да биде генетска предиспозиција, додека истражувањата покажале дека близнаците или деца чии родители се зависници, се поподложни кон зависности за дури 50%. Меѓутоа, на потенцијална зависност не влијае само генетиката, ниту морате да станете зависник ако имате такви предизвпозиции, односно примери во семејството. На зависност може да влијаат и пријателите со кои го поминувате времето, образованието, поддршка од општеството и средината во која сте растеле.
За жал, се уште не постои начин да се утврди кои луѓе се потенцијални зависници, за на време да се спречи. Најважно е дека карактерот не мора да биде причина за тоа. Вие сте тој што ќе реши дали ќе стане зависник од нешто или не.
Одредени особини на човекот, доколку се издвојуваат, може да влијаат на тоа дали ќе стане зависник. Оние кои постојано имаат потреба од возбуда, како што се брзо возење, бурен љубовен живот – постојаната потрага за нешто, може да предизвика зависност.
Ова што е заеднично за сите зависници е импулсивноста. Според истражувањата, зависниците се склони да донесуваат избрзани и непромислени одлуки, кои може да имаат негативни последици. Недостатокот на контрола е уште еден од проблемите на оние кои се зависници. Иако гледаат дека нивните потреби за она од што се зависни, негативно влијаат на нивниот живот, тие не преставнуваат со тоа, бидејќи веќе немаат контрола над она од што се зависни.
