Возрасни лица со нормален крвен притисок и високо ниво на хормони на стрес имаат поголема веројатност дека ќе развијат висок крвен притисок или хипертензија и ќе доживеат кардиовасуларни проблеми во споредба со лицата кои имале пониско ниво на хормонот на стрес, укажува нова студија.
Бројни студии веќе покажаа дека кумулативната изложеност на секојдневните стресори и изложеноста на трауматски стрес може да го зголемат ризикот од кардиоваскуларни болести.
Се поголем број на истражувања се однесуваат на врската ум-срце-тело, која сугерира дека умор на поединецот може позитивно или негативно да влијае на кардиоваскуларното здравје, кардиоваскуларните ризик фактори и ризикот од кардиоваскуларни болести, како и на кардиоваскуларната прогноза во тек на времето.
Нивоата на хормоните на стрес норепинефрин, епинефрин, допамин и кортизол може да се зголемат со стрес од животни случувања, работа, односи, финансии итн., а ова истражување потврдило дека стресот е клучен фактор кој допринесува за ризик од хипертензија и кардиоваскуларни нарушувања.
Инаку, норепинефрин, епинефрин и допамин се молекули познати како катехоламини кои одржуваат стабилност во целиот автономен нервен систем кој ги регулираат телесните функции како што се отчукувањата на срцето, крвниот притисок и дишењето. Кортизол е стероиден хормон кој се ослободува кога доживувате стрес и е регулиран со оската хипоталамус-хипофиза-надбубрежна жлезда, која го модулира одговорот на стресот.
Иако сите овие хормони се произведуваат во надбубрежната жлезда, тие имаат различни улоги и механизми за влијание врз кардиоваскуларниот систем, па затоа е важно индивидуално да се проучи нивниот однос кон хипертензија и кардиоваскуларните случувања, истакнуваат експертите.
