Од висок притисок страда 30-40 проценти од општата популација, а на регулирањето на притисокот влијае и нашата емоционална и психичка сосотојба.
На прашањето дали е нормално да во одредени моменти не мачи висок притисок и зошто тоа може да се случи, одговара д-р Дражен Шебетиќ, кардиолог.
“Артерискиот притисок е регулиран со различни регулаторни механизми, невровегетативни, хормонски и слично, секоја ситуација т.н. стрес било од психичка или физичка природа по правило може да доведе до пораст на артерискиот притисок, особено систолниот притисок. При физички напор, нормално е систолниот притисок да се зголеми, а дијастолниот да остен ист или малку да се намали. Слично е и при психичката возбуда, а одличен пример е притисокот кој се зголемува при мерење во лекарска ординација. Тоа може да им се случи и на лица кои веќе имаат поставено дијагноза на артериска хипертензија, но и на сосема здрави лица. Ако изненадниот пораст на притисокот е предизвикан од психичка возбуда или стрес, не е исправно да се лекува со лекови за висок притисок, туку правилно е да се намали нивото на стресот и возбудата, ако е можно. Ако тоа не е можно без употреба на лекови, тогаш во соработка со лекарот треба во такви ситуации да се користат лекови од групата на анксиолитици“, појаснува лекарот.
