Ако сте пушач или имате блиски луѓе кои пушат, сигурно сте забележале дека имаат жолти нокти. Секако, ништо необично, тутунот ги обојува. Меѓутоа, доколку ви се појави жолтило на ноктите, а не ја знаете причината, би трбало да отидете на преглед. Причината може да биде тривијална, но исто така може да биде симптом и за нешто посериозно.
Габичките на ноктите може да бидат една од причините, тоа е вообичаена состојба која почнува како бела или жолта дамка под врвот на ноктот на раката или на ногата. Како инфекцијата напредува и се шири, габите на ноктите може да предизвикаат промена на бојата на ноктот, задебелување и ронење на рабовите.
Исто така, постои и низа други здравствени проблеми кои се поврзани со жолтите нокти, а за кои треба да бидете свесни.
“Во ретки случаи, жолтите нокти може да укажуваат на посериозна состојба како тешка болест на штитната жлезда, болести на белите дробови, дијабетес или псоријаза“, потенцираат лекарите.
БОЛЕСТИ НА ШТИТНАТА ЖЛЕЗДА
Тоа е општ термин за медицинска состојба која ја спречува тироидната жлезда да произведува вистинска количина на хормони. Тироидната жлезда обично е одговорна за производство на хормони кои го одржуваат телото нормално да функционира. Отечен врв на прстот, искривен нокт и задебелена кожа над ноктот се исто така знаци на ноктите кои предупредуваат на болест на тироидната жлезда. Но, исто така, проверете дали имате и други симптоми.
Симптоми на забрзана работа на тироидната жлезда
- Срцебиење
- Пречки во видот
- Губење на телесна тежина
- Опаѓање на косата и други влакна, веѓи, трепки
- Појава на нередовни менструални крварења, послаба плодност кај жените
- Психичка растроеност со појава на анксиозност и фобии, неможност за долготрајна концентрација
- Главоболки
- Промени на кожата и ноктите
- Проблеми во вратот, чувство на “кнедла“ отежнато голтање.
Симптоми на забавена работа на тироидната жлезда
- Поспаност
- Дебелеење
- Нередовни менструални крварења
- Губење на либидото, промена на расположението, анксиозност, појава на фобии
- Опаѓање на косата и други влакна
- Главоболки
- Проблеми со видот, двојна слика
- Трнење во телото
БОЛЕСТИ НА БЕЛИТЕ ДРОБОВИ
Синдромот на жолти нокти е ретка состојба поврзана со хронични респираторни проблеми, а главен симптом, секако, се жолтите нокти.
Лице со жолти нокти може да има респираторни симптоми, како хронична кашлица и обично има отоци на потколениците или зглобовите.
“Стручњаците не знаат што го предизвикува синдромот на жолти нокти. Но, може да биде поврзан со неправилна циркулација, проблеми со лимфната дренажа или насобирање на течности околу белите дробови“, потенцираат лекарите од Клиниката Кливленд.
Доколку имате жолти нокти и некои од овие симптоми, треба да се јавите за преглед кај вашиот матичен лекар:
- Отежнато дишење или краток здив – не треба да имате проблеми со дишењето без причина, а не треба да ви треба долго време за да се опоравите по вежбањето.
- Чувство како да не можете доволно да вдишите – тешкото вдишење и издишување може да биде важен предупредувачки знак.
- Хронична кашлица – ако трае повеќе од еден месец, кашлицата може да биде симптом на респираторна болест
- Искашлување крв – крвта може да дојде од белите дробови или горниот респираторен тракт, а тоа е сигнал за здравствен проблем.
- Многу слуз – слузта може да го одбрани телото од инфекции или надразнувачи. Но, зголеменото производство на слуз повеќе од еден месец може да укаже на заболување на белите дробови.
- Болка во белите дробови – необјаснето белодробно заболување кое трае подолго од еден месец и се влошува кога дишете или кашлате е предупредувачки знак.
ДИЈАБЕТЕС
Кај некои луѓе со дијабетес, ноктите добиваат жолтеникава нијанса. Често ова боење е поврзано со разградувањето на шеќерот и неговото влијание врз колагенот во ноктите. Овој тип на жолтило не е штетен и не треба да се лекува.
И двата типа на дијабетес имаат некои заеднички предупредувачки знаци
- Глад и замор
- Почесто мокрење и жед
- Сува уста и чешање на кожата
- Привремено заматен вид
- Главоболка
- Несоница
- Промени во расположението
ПСОРИЈАЗА
Псоријазата е хронична, повеќеслојна, системска воспалителна болест на кожата која предизвикува лушпести дамки на кожата.
Знаци на псоријаза на ноктите се:
- Мали вдлабнатини на ноктите
- Бела, жолта или кафена промена на бојата
- Нокти кои се распаѓаат
- Ноктите се одвојуваат од вашиот прст на раката или ногата
- Таложења под ноктот
- Крв под ноктот
Ако имате некој од овие симптоми или сте загрижени дека можеби страдате од една од овие состојби, треба да го посетите вашиот матичен лекар.
