Ник и Ванеса Фишер решиле Ванеса нивниот син Ештон на свет да го донесе дома, а ја избрале праксата позната како „lotus birth“ или „лотус породување“, што всушност значи дека после раѓањето на бебето избрале да не му ја пресечат папочната врвца.
„Lotus birth“ подразбира задржување на папочната врвца и постелката се додека таа природно не се одвои од детето, а што може да трае со денови. Целта на оваа постапка е бебето да добие се што му е потребно преку папочето. На ваква идеја дошле по низата истражувања кои ги направила Ванеса, а кои се однесувале на крвта од постелката. Таа открила дека многу мајки решаваат на нивните бебиња и по неколку часови после породувањето да не им се пресекува папочната врвца за да се осигури потполн плацентален пренос на крвта во бебето, пишува Индепендент.
„Постепеното разделување на папочната врвца од постелката делува повеќе емоционално кон бебето, а се што е спротивно на тоа би можело да биде трауматично. Кога папочната врвца се одвојува природно и плацентата ќе си ја заврши својата работа, пружајќи му на детето хранливи материи, детето има време за воспоставување врска со таткото“, вели Ванеса.
Роднина на Ванеса за постелката на Ештон направил и посебна торбичка, а таа тврди дека нема многу обврски околу нејзиното одржување. Тревките кои се користат за миењето на постелката, тврди Ванеса, мирисаат неутрално.
Оваа пракса зема се поголем замав во последните неколку години, а мислењата на лекарите се поделени
„Постелката е мртво ткиво и заради тоа крвта во неа може да биде склона на развој на бактерии, а евентуална инфекција може да се прошири и на бебето“, вели доктор Вилијам Швајцер од Медицинскиот центар на Универзитетот Лангон во Њујорк.
Меѓутоа оние родителите кои го избираат токму овој „lotus birth“ сметаат дека луѓето премногу слепо се држат за ограничувањата на медицината и не размислуваат за алтернативи. Инаку, Ник и Ванеса планираат постелката, откако таа ќе се одвои од нивниот син Ештон, да ја закопаат.
