Ослободувањето од вишокот килограми најчесто го поврзуваме со исцрпувачки тренинзи, строги диети и слични работи кои воопшто не претставуваат задоволство. Меѓутоа, се покажало дека може да се слабее и на многу попријатен начин.
Еве неколку необични начини за согорување на вишокот калории.
ШОПИНГ –Шопингот го заморува телото повеќе отколку што мислите. Прво, таквото шетање, по правило трае повеќе од час-два, а второ – ќесињата со она што сте го купиле, обичното шетање го претвора во тренинг со оптоварување. Шопингот во траење од три часа приближно одговара на едночасовен тренинг на статичен велосипед при што се трошат 500 калории.
ЧИСТЕЊЕ – Секоја работа во домот ќе ви биде попријатна ако имате на ум дека домашните работи го одржуваат телото во форма. За половина час со обично чистење на домот, може да потрошите 85 калории. Тоа приближно одговара на 15 минутно вежбање на стомачните мускули, а генералка за исто тоа време согорува дури и два пати повеќе калории.
ПЕЕЊЕ – Со пеење се активираат многу мускули и претставува навистина добра вежба. За да согорите 100 калории, може да пеете еден час, или 15 минути да правите склекови. Дали е ова доволна причина за викенд да отидете на караоке или домашните обврски да ги извршувате со песна.
ДОНИРАЊЕ КРВ – Според истражувања спроведени на Универзитетот Калифорнија, доброволното дарување половина литар крв согорува околу 650 калории. Од прилика толку ќе потрошите за еден час пливање. Сетете се дека со дарување на крв ќе спасите и нечиј живот, а потрошените калории се само убав додаток на ова.
БАКНЕЖ – овој метод ќе ви помогне да изгубите повеќе од 60 калории – само е потребно да се бакнувате еден час. Приближно иста количина калории ќе изгубите за 5 минути брзо трчање. Доколку бакнежот е страсен, ќе согорите дури 90 калории. Секако, само со бакнежи нема многу да изгубите, но се пријатен додаток на другите методи.
НАСМЕВКА – Истражувачи од Универзитетот Вандербилт велат дека со 10-15 минути смеење може да изгубите 10-40 калории. Се зависи од силината на емоциите – воздржана насмевка троши многу помалку калории отколку искрена насмевка, од која ќе се држите за стомак и едвај ќе дојдете до воздух. Ќе согорите 40 калории и доколку 10 минути правите чучњеви.
Сите наведени методи ќе ви помогнат да се ослободите од вишокот калории на пријатен и корисен начин, но не може во целост да ја заменат физичката активност. Овие методи нека ви послужат како дополнување, или краткотрајна замена за спорт.
