Дехидрацијата е состојба која подразбира дека губите повеќе течност отколку што консумирате, а вашето тело нема доволно вода и други течности за да ги извршува своите нормални функции. Кога лицето дехидрира, освен вода, губи и електролити како сол и калиум, кои се неопходни за основните телесни функции.
Важно е да внимавате колку течност внесувате, особено ако обилно се потите поради големите жештини или повраќате поради некој здравствен проблем.
Жедта е најочигледниот симптом на дехидрација, но некои други знаци на дехидрација не се толку очигледни. Студија објавена во The Journal of Physiology покажала дека телото е помалку способно да открие знаци на дехидрација со текот на времето. Еве неколку симптоми на дехидрација кои во никој случај не смеете да ги игнорирате.
- Лош здив
Плунката има антибактериски својства, а дехидрацијата може да го спречи телото да произведува плунка. Како резултат на тоа, количината на бактерии во устата може да се зголеми, што може да доведе до лош здив. Ова е една од причините зошто имаме лош здив наутро кога ќе се разбудиме.
Производството на плунка се забавува за време на спиењето, поради што имаме непријатен вкус и мирис во устата бидејќи се зголемува количината на присутни бактерии. Затоа, следниот пат кога устата ќе ви се исуши и ќе имате лош здив, пијте вода.
- Сува кожа
Сувата кожа јасно покажува дека ви недостасува вода. Во случај на дехидрација, кожата може да се исуши и да се појави чешање. Лошата исхрана и лошите секојдневни навики кои вклучуваат консумирање алкохол и кофеин може да ја исцрпат водата од кожата.
- Грчеви во мускулите
Колку повеќе телото се загрева, без разлика дали е поради температура или вежбање, толку е поголема веројатноста дека ќе се појават грчеви во мускулите поради начинот на кој топлината делува на мускулите. Промените во електролитите како натриум и калиум, исто така, може да доведат до грчеви во мускулите.ѓ
- Желба за слатки
Во случај на дехидрација, поради недостаток на вода, на другите органи како што е црниот дроб ќе им биде потешко да ослободуваат гликоген и други компоненти, а тоа може да ја поттикне желбата за слатки. Ако мислите дека вашата желба за шеќер се должи на дехидрација, подобро е да испиете вода пред да изедете нешто слатко.
