Американскиот центар за контрола и превенција на болести претстави нови статистики кои потврдуваат дека болестите на срцето се водечка причина за смртност кај жените над 35 години. Познато е дека симптомите често поминуваат незабележани, па важно е да се знае се за нив.
Најчест симптом на срцев удар е притисок или болка во градите, но, за жал, во некои случаи овој главен симптом може и да изостане, погоденото лице нема ни да знае дека доживеало срцев удар. Токму тогаш ризикот за смртност е најголем.
Ова се некои необични симптоми кои може да откријат проблеми со срцето.
Отечени зглобови или нозе
Срцевиот удар може да предизвика насобирање течности во телото, што предизвикува отекување на стапалата, нозете или стомакот. Обрнете внимание и на наглото дебелеење или губење на апетитот.
Главоболки
Пред да земете таблета против болка, знајте дека главоболката со силен интензитет е чест симптом на болести на срцето. Иако, самата главоболка не мора да биде симптом на срцев удар, ако се јавува проследена со останати симптоми, побарајте лекарска помош.
Замор
Ова може да биде најтешкиот симптом за препознавање, бидејќи човекот може да биде уморен од повеќе причини – ненаспаност, стрес… Се работи за препознавање на невообичаен замор, како на пример, да се качите на втор кат по скали и одеднаш почувствувате необјасниво губење на енергијата и тешко доаѓате до воздух.
Грчеви во стомакот
Многумина на ќе реагираат на болка што се шири од градниот кош преку грбот и кон левата рака, но болката која означува проблеми со срцето може да се јави и во други делови на телото. Така, не е невообичаено пациентите да се жалат на болки во стомакот. Ако почувствувате болка во ределот на стомакот, може да значи дека срцето испраќа сигнали преку болка во овој дел. Иако болката во стомакот може да означува различни проблеми, ако чувството ви е ецелосно непознато, побаракте лекарска помош.
Слабост
Некои лица може да почувствуваат силна и необјаснива слабост неколку дена пред самиот срцев удар, еднакво како и за време на самиот инфаркт. Ако чувствувате голем напор при едноставни активности како што е пешачење, контактирајте лекар.
Вртоглавица
Како и останатите наведени симптоми вртоглавицата, исто така, може да биде причина за загриженост. Ако не се работи за вртоглавица која е последица на нагло станување, и ако чувството трае долго, веднаш отидете на лекар, бидејќи можеби се работи за запушување на артериите кои прават проблеми со крвниот притисок.
