Новите истражувања покажуваат дека метастатското ширење на ракот на дојка претежно се случува во текот на спиењето, откритие што истражувачите го нарекоа впечатливо и неочекувано.
“Ова досега не беше познато, бевме изненадени – изјави за Medscape Medical News, д-р Никола Ачето, професор по молекуларна онкологија од Швајцарскиот федерален институт за технологија (ETH) во Цирих. Наодите носат потенцијални импликации на времето на биопсиите и лекувањето на карциноми склони кон метастази, велат авторите на студијата, објавена во списанието Nature.
ФАЗА НА ОДМОР
Д-р Ачето и неговите колеги собрале примероци од крв од 30 жени со рак на дојка во 4 и 10 часот наутро – значи и за време на мирување и во активна фаза. Тие забележале дека повеќе од 78 проценти од добиенти циркулирачки туморски клетки биле од примероци земени за време на фазата на одмор. Тие, исто така, откриле дека циркулирачките туморски клетки генерирани во текот на ноќта се делат побрзо и затоа имаат поголем потенцијал да метастазираат од оние генерирани во текот на денот кои се “лишени од метастатски способности“, наведуваат авторите.
Тимот, исто така, забележал дека клучните хормони на циркадијалниот ритам (како што се мелатонин, тестостерон и глукокортикоиди) го регулираат создавањето на циркулирачките туморни клетки, а инсулинот поттикнува пролиферацијата туморските клерки на временски зависен начин, сугерирајќи “потреба за временски контролирани пристапи за карактеризација и лекување на ракот на дојка“, пишуваат авторите.
Ова значи дека лекарите можеби ќе треба да станат посвесни за тоа кога да применат одредени третмани, но ќе бидат потребни големи клинички испитувања пред да се вклучат какво било разгледување на циркадијалниот ритам во стандардната пракса на лекување. Исто така, не е јасно дали ова откритие се однесува и на други видови тумори.
