Неплодноста, а не лековите за подобрување на плодноста, го зголемува ризикот од рак на јајниците, покажала данската студија, во која биле вклучени повеќе од 58 000 жени, во перидот од 1994 до 2015 година. Токму затоа, жените кои имаат проблем со плодноста не би требало да се плашат од медицински потпомогнато оплодување, бидејќи самата стимулација на јајниците не го зголемува ризикот од рак на јајниците.
„Меѓу жените кои имаат медицински потпомогнато оплодување откривме дека постои поголем ризик од рак на јајниците, но само кај оние со дијагностицирана женска неплодност“, изјавила Ања Пинборг, предводник на студијата, која работи во Одделот за плодност во Rigshospitalet, Универзитетска болница во Копенхаген, Данска.
Но интересно е дека второто истражување спроведено во САД покажало дека жените кои имаат потешкотии да останат бремени или морале да користат медицински потпомогнато оплодување, како ин витро фертилизација (ИВФ), имаат поголем ризик дека нивното дете ќе има вродени деформации.
Истражувањето покажало дека жените кои имаат проблем со плодноста не би требало да се плашат од медицински потпомогнато оплодување, бидејќи самата стимулација на јајниците не го зголемува ризикот од рак на јајниците
Инаку, треба да се напомене дека некои други претходни истражувања покажале дека децата кои биле зачнати со помош на медицински потпомогнато оплодување, имаат пократка гестација и имаат поголем ризик од конгенитални деформации во однос на природно зачнатите деца, се податоци кои беа презентирани на 34. Годишна средба на „European Society of Human Reproduction and Embryology“, што се одржа од 1 до 4 јули во Барселона, Шпанија.
