Резултатите од новата студија покажале дека нередовните менструални циклуси се почести кај адолесценти со дијабетес тип 2. Неправилните менструални циклуси може да предизвикаат интензивно крвавење и дополнителни грчеви. Исто така, треба да се има на ум дека, на долг рок, неправилните менструални циклуси може да го зголемат ризикот од рак на ендометриумот.
Истражувањето покажало дека нередовните менструални циклуси се јавуваат кај секоја петта девојка со дијабетес тип 2. Споменатите девојчиња имале нередовни циклуси дури и кога земале метформин, лек за дијабетес. Дури и промената на терапијата и промената во начинот на живот не успеале да го решат проблемот со нередовните менструални циклуси.
Се верува дека хормонската терапија би можела да помогне во отстранување на проблемите со нередовни менструални циклуси, бидејќи се претпоставува дека, всушност, синдромот на полицистични јајници е главната причина за менструалните абнормалности кај девојки со дијабетес.
Имено, девојките со неправилни менструални циклуси имале прекумерна телесна тежина и покачено ниво на хормонот тестостерон, а синдромот на полицистични јајници често се поврзува со дебелина и дијабетес тип 2 дијабетес.
Исто така, не треба да се заборави дека кај жените со синдром на полицистични јајници се почести абнормалните тестови за функција на црниот дроб, што укажува дека се изложени на поголем ризик за развој на неалкохолна масна болест на црниот дроб, е објавено во „Journal of Clinical Endocrinology and Metabolism“.
