Ако имате проблем со непријатни телесни мириси, иако водите сметка за хигиената, можеби би требало да погледнете во својата чинија.
Познато е дека лукот е главната причина за лош здив. Тој содржи сулфур, кој се ослободува со дишење и низ порите на телото. Но, и премногу зачинета храна исто така може да доведе до зголемен внес на сулфур и непријатни мириси.
Црвеното месо тешко се вари, затоа и не изненадува што претерано се потите кога ќе се прејадете. Вашиот природен мирис може дополнително да се засили и од газирани пијалаци, чоколадо, кафе, чај и алкохол, оти барем 10% од количината што ја внеле, организмот не може да ја свари.
Зголемениот внес на брза храна во комбинација со недоволна физичка активност доведува до таложење на масни наслаги во телото, што исто така предизвикува претерано потење и непријатни мириси. Сол, шеќер и масло треба да се внесуваат во ограничени количини, а брзата храна изобилува со овие состојки.
Млечните производи се богати со протеини, па ако ги консумирате во поголеми количини, може да дојде до проблеми со дигестијата, а како последица на тоа се појавува и непријатен мирис на телото.
