Кај ова заболување станува збор за функционално дигестивно нарушување (функционална диспепсија), а не за оштетување на ткивото во дигестивниот тракт. Најчестите симптоми се болка и тежина во стомакот, недостиг на апетит, кркорење во стомакот, гадење кон одредена храна, повраќање, гасови и нередовна столица.
Симптомите може да се појават одеднаш, предизвикани од одредена ситуација (најчесто силен стрес) или да се развијат незабележително во период од неколку месеци. Пациентите со стомачна нервоза често страдаат и од срцебиење, прекумерно потење, проблеми со спиењето, гадење и повраќање како резултат на стрес (пред испит на пример).
Доколку симптомите се слабо изразени, доволно е да ги промените навиките во секојдневната исхрана, кое не значи дека треба да се ставите на специјална диета, туку само да внимавате и да следите што стомакот не ви поднесува и да не претерувате со тоа. Важно е да јадете четири до пет пати во денот по малку, да појадувате, да пиете доволно вода, да консумирате повеќе овошје и зеленчук и зрнеста храна. Лекувањето со билки помага во намалување на симптомите на стомачната нервоза.
Како фактори кои предиспонираат појава на нервозен стомак се сметаат:
- Нарушена перисталтика. Недоволна или прекумерна активност на мускулатурата на ѕидот на желудникот што доведува до предолго задржување на храната и на жолчниот сок во стомакот или пребрзо празнење на стомакот.
- Зголемена чувствителност на желудочната киселина.
- Ментално оптоварување.
- Алергии на храна и интолеранција на храна.
- Воспаление на стомачната обвивка предизвикано од бактерии.
- Животен дисбаланс – недостаток на движење, недоволно одмор и неспиење.
- Неизбалансирана исхрана – прејадување, прекумерен внес на маснотии, шеќери, кафе, алкохол и консумирање еднолична храна.
- Пушење.
- Лекови.
