Послабо памтиме
Стручњаците тврдат дека недостатокот на сон ќе го спречи мозокот при создавањето нови спомени, односно без спиење мемориските прегради на мозокот престануваат да работат и тешко може да ги запамтите новите искуства.
Се зголемува ризикот од Алцхајмер
Исто така, се знае дека недостатокот на сон ќе доведе до зголемен развој на токсичниот протеин во мозокот кој се нарекува бета-амилоид и е поврзан со Алцхајмеровата болест. Значи, ако не спиете доволно секоја ноќ, ќе настанат повеќе протеини повзрани со Алцхајмер. Колку повеќе протеини толку поголем ризик од развој на деменција во подоцнежниот живот.
Мажите се помалку плодни
Прво, познато е дека недостатокот на сон влијае на репродуктивниот систем кај мажите. Знаеме дека луѓето кои спијат само пет до шест часа во текот на ноќта имаат ниво на тестостерон како некој кој е десет години постар.
Имунитетот пати, па се зголемува ризикот од развој на карцином
Исто така, е познато дека недостатокот на сон влиаје на имунитетот. Значи, после само една ноќ со од 4 до 5 часа сон доаѓа до 70 % помалку делотворност во имунолошките ќелии кои се борат против ракот. Заради ова недостатокот на сон го зголемува ризикот од бројни облици на рак. А тој список вклучува и рак на цревата, рак на простата, како и рак на дојката. Всушност, врската меѓу недостатокот на сон и ракот е толку јака што неодамна СЗО одлучи да ги смести сите видови работа во ноќна смена како веројатна канцерогена дејност. Со други зборови, работните места можат да предизвикаат рак заради пореметувањето на ритамот на спиење.
Расте крвниот притисок (а со тоа и веројатноста за срцев и мозочен удар)
Исто така, е познато дека недостатокот на сон влијае на кардиоваскуларниот систем, затоа што за време на длабок сон го добиваме најдобриот можен третман за рамномерен крвен притисок. Отчукувањата на срцето се намалуваат, а крвниот притисок паѓа. Ако не спиете доволно нема да ви се ресетира кардиоваскуларниот систем, па крвниот притисок расте. Ако спиете шест часа или помалку, за 20 отсто е поголем ризикот од кобен срцев или мозочен удар.
После неколку часа без сон почнуваат проблемите?
Можеби прашањето треба да е поинакво – колкава е стапката на „обновување“ на човековото суштество? Колку долго можеме без спиење пред да почнеме да забележуваме дека падот на работата на мозокот му штети на телото? Одговорот би бил – околу 16 часа будност. Откако ќе поминат 16 часа будна состојба почнуваме да забележуваме ментално влошување, како и физиолошко влошување на состојбата на телото. Откако сме будни 19 или 20 часа, менталниот капацитет е значително намален – како да сме пијани.
