Квалитетниот сон е предуслов за тоа организмот да остане здрав, а еве што може да очекувате ако не спиете доволно. Ова се некои од можните последици:
Полесно ќе се разболете
Недостатокот на сон влијае на имуниот систем, па така и на способноста на организмот да се бори против вируси и бактерии. Освен што заради тоа полесно ќе се разболете, потешко и ќе се опоравите.
Негативно влијае на здравјето на срцето
Ако спиете помалку од пет часа дневно тоа може негативно да се одрази и на здравјето на срцето. Исто така, заради долгорочен проблем со спиењето се зголемува и ризикот од кардиоваскуларни болести.
Потешко ќе памтите
Истражувањата покажале дека спиењето ги јакне нервните врски кои го контролираат памтењето. Освен тоа недостатокот на сон го влошува севкупното работење на мозокот, односно вашите вештини на решавање на проблемите, ја забавува когнитивната брзина и го нарушува конструктивното размислување и логичкото заклучување.
Намалено либидо
Истражувањата покажале дека ако спиете помалку од седум часа дневно, хормоните задолжени за сексуална желба се намалуваат за 10 до 15 отсто.
Дебелеење
Студиите потврдуваат дека оние кои спијат помалку од пет часа дневно полесно наталожуваат вишок килограми, а со самото тоа имаат и поголеми шанси да станат дебели.
Лош тен
Недостатокот на сон влијае и на вашата кожа, па не се изненадувајте ако одеднаш забележите пликови и акни.
Депресија
Постои врска меѓу несоницата и депресијата, а ако спиете помалку од шест часа дневно, тоа брзо ќе се одрази и на расположението, па дури и ќе го влоши проблемот со депресијата.
