Лошата хигиена може да резултира со низа болести, но и ќе влијае на социјалниот и деловниот живот. Некои грешки телото го чинат многу, а ова се некои од нив.
Обувки без чорапи
Носењето обувки без чорапи за да одбегнете истите да се видат на зглобовите е голема грешка. Во просек стапалото на дневно ниво се поти по неколкупати, а кога носите чорапи тие ја впиваат потта. Освен што неносењето чорапи предизвикува миризба на нозете, се создаваат и габички и жуљеви.
Четкички за шминка
Иако делуваат чисто, безброј ситни бактерии има по нив и се размножуваат од ден на ден. Освен што ја уништувате шминката си го уништувате и лицето. Се создаваат акни, мозолчиња, инфекции. Уште полошо е менувањето на шминката.
Забите само ги четкате
Оралната хигиена не значи само миење на забите. Ако тоа го правите време е за промени. Многу бактерии живеат во забното месо, но и многу од нив остануваат меѓу забите и тешко може да се дојде до нив со четкичка. Користете забен конец. Исто така, чистете го и јазикот.
Стапчиња за уши
Не би требало да ги „пикате„ во увото за да го исчистите. Така може да ја оштетите ушната мембрана и внатрешноста на увото, па дури и да си го оштетите слухот. Доктор Роберт Шмерлинг објаснил дека дури и можете да оставите восок во увото затоа што одредено количество е потребно за да се спречат бактериите да навлезат длабоко внатре.
Менување постелнина
Вашето тело доста време е во контакт со постелнината и пешкирите, па би било добро да ги менувате регуларно особено ако имате миленик кој сака да спие на вашиот кревет и ако редовно сте интимни со партнерот на истиот.
