Тина Стоклоса (39) од Полска и нејзиниот вереник Симон Беун (26) се решиле на овој сосема неочекуван експеримент сосема случајно. Имено, Тина пред неколку години ја открила овошната диета откако се обидувала да си го „исчисти“ организмот пред празниците. Подоцна се преселила на Бали за во целост да и се посвети на оваа исхрана далеку од западниот стил на живот.
И тоа не е се – Тина и Симон не ги мијат забите!
Кога прв пат пробала да јаде само овошје брзо забележала дека има повеќе енергија, се чувствувала посреќна и задоволна, а кожата и изгледала помладо. На Бали се запознала со сегашниот свршеник Симон од Белгија, кој и се јавил откако и самиот ја открил овошната диета.
Двојката сега јаде само овошје и внесуваат меѓу 2000 и 4000 калории на ден, а жедта ја гасат со кокосова вода, пишува Дејли меил.
Забите не ги измиле веќе две години затоа што влакната од овошјето тоа го прават место пастата. Меѓу останатите придобивки од овошната диета го наведуваат лекувањето на депресијата и други хронични болесто. Тина објаснила дека новиот начин на живот и помогнал да ја доведе линијата во ред затоа што претходно постојано се мачела со храната и килограмите.
На почетокот било тешко
„Во текот на првата недела се чувствував неверојатно – лесно, оптимистично. Се чувствував како да летам 30 см над земјата – ми изгледаше како да сум вљубена во се. Првите резултати од овошната диета ги забележав главно врз менталното здравје. Одлучив дека никогаш повеќе нема да се вратам на ’нормалната’ храна. Меѓутоа тоа е полесно да се каже отколку да се направи, па првите две години често знаев да ’застранам’ со готвени оброци“, раскажала Тина за Дејли меил.
Количински јаде исто колку и својот 13 години помлад свршеник, а дури ни не вежба, но килограми не добива. На Симон, пак, промената на исхраната не му паднала толку тешко затоа што претходно бил вегетаријанец.
Предности на овошната диета
„Бев отворен за сите видови експерименти, па преминав на овошје буквално преку ноќ. Се чувствував прекрасно и забележав големи напредоци во трчањето“, рекол Симон.
Тина ја запознал на Инстаграм, каде таа пишувала за својот нов животен стил. И се јавил со порака и се нашле следната година на Бали каде и се вљубиле. Уверени се дека нивниот начин на исхрана лекува и рак, депресија и други хронични болести. Освен тоа, наведуваат дека немаат проблем со килограмите, подобро спијат и имаат енергија.
