Кикиритките по потекло се од Јужна Америка и припаѓаат на семејството мешунки, исто како и леќата, гравот или сојата. Не само што се со одличен вкус, туку се и богати со масти и други здрави хранливи состојки. Важат за добар извор на протеини и во себе содржат висок процент на есенцијални витамини, минерали и растителни соединенија. Придобивките се различни, па секој треба да ги додаде на листата на секојдневната исхрана. Меѓутоа заради високото ниво на масти и калории кои ги содржат не би требало да се претерува со нив.
Еве некои од својствата на кикиритките кои се сметаат за придобивки од овој плод – од здравје до убавина:
Добри се за срцето
Меѓу придобивките, се чини, дека оваа е најпозната. Благодарение на високото ниво на мононезаситени и полинезаситени масти кикиритките можат да го одржуваат срцето на човекот здраво. Конкретно, олеинската киселина во кикиритките може да го намали лошиот холестерол во крвта (ЛДЛ) и да го зголеми добриот холестерол (ХДЛ). Заради тоа кикиритките се во состојба да спречат мозочен удар и коронарни заболувања со зголемување на здравите липиди во крвта.
Ја зголемуваат енергијата
Една од најприменетите предности на кикиритките по здравјето на човекот е унапредување на енергијата. Ова е сосема разбирливо, затоа што содржат доста витамини и минерали, антиоксиданти и хранливи материи, кои сами по себе се големи извори на енергија.
Помагаат при слабеење
Кикиритките се проучувани доста и во поглед на одржување на телесната тежина. Не влијаат на порастот на килограмите, па заради тоа консумирањето на овие мешунки ќе помогне во одржувањето на виталноста и ќе ја спречи гојазноста.
Се борат против ракот
Полифенолните антиоксиданти присутни во кикиритките се корисни за превенција од рак на желудник, затоа што помагаат во намалувањето на продукцијата на канцерогени нитрозамини. Од друга страна, мешунките како што се кикиритките содржат високо количество бетаситостерол, кој претставува заштита против ракот со природно спречување на растот на тумор. На овој начин сите оние кои јадат кикиритки најмалку два пати неделно можат да го намалат ризикот од рак на дебело црево за речиси 100 %.
