Сигурно секој пат кога ќе зевате помислувате дека тоа е поради замор, непроспиена ноќ или обврски со децата. Не сте далеку од вистината, но научнците последните години сакаат да докажат дека зевањето може да значи и нешто друго. Долго се сметало дека зевањето е поврзано со недостаток на кислород, но тоа е всушност е целосно одвоен процес од дишењето.
Стручњаците сметаат дека два различни механизми го покренуваат зевањето дишењето, па иако луѓето зевањето го препишуваат на заморот, постои и такво зевање кое не може да се поврзе со заморот.
Италијанските стручњаци дошле чекор поблиску до откривање на мистеријата зошто зевањето е заразно. Тие заклучиле дека во позадина на тоа е емоционалната блискост со друга личност. Според нив, зевањето е најзаразно меѓу членовите на семејството, а најмалку е заразно меѓу странци. Кога е во прашање временски период меѓу две зевања, тој е најдололг кај познаник и странец, што сугерира дека емпатијата и семејната блискост се важни ставки.
Според некои научни теории, функцијата на зевањето е одржување на балансирана температура на мозокот.
Во прилог на теоријата оди фактот дека на зевањето може лесно да се влијае со варијација на температурата во некој амбиент, со оглед на тоа дека ладното во некој простор може да помогне во намалување на температурата на мозокот. Поточно, научниците сметаат дека зевањето може да се случи само во рамките на оптималниот распон на температурата.
Колку е поголемо зевањето, толку е поголем мозокот, барем така тврдат некои истражувања. Студија спроведена врз животни дошла до заклучок дека тие кои посилно зеваат имаат потежок мозок и висок број на мозочни клетки.
