Важно е да бидете свесни дека овие навики не се добри, а еве и совети како, што побрзо да се ослободите од нив, пред да ви го уништат здравјето.
Ги проверувате мејловите навечер
Многумина тоа го прават, но константно проверување на деловни пораки дома е лошо за здравјето. Истражувачи од Универзитетот во Колорадо откриле дека оние лица кои често ги проверуваат мејловите надвор од работното време се поизложени на стрес и лошо се чувствуваат. Уште полошо е што тоа има влијание на останатите во семејството, па затоа и нивните партнери се под поголем стрес. Ослободете се оваа навика, така што сами ќе си забраните да проверувате мејл после 18 часот.
Седите со прекрстени нозе
Прекрстувањето нозе за многумина е механичко движење и автоматски така седат. Но, тоа привремено може да го зголеми крвниот притисок и за 10%, предупредуваат стручњаците. Седењето во оваа положба ги става под притисок и колковите и може да доведе до повлекување на крв во нозете кога се вените под притисок, со што се зголемува ризикот од создавање на грутки во крвта, истакнуваат кардиолозите. Вежбајте да седите со нозете потпрени една до друга или евентуално вкрстете ги во зглобовите бидејќи така не се создава притисок на вените.
Ги стискате мозолчињата
Кога и да сте во искушение тоа да го направите, сетете се дека дерматолозите предупредуваат дека тоа може да остави лузна, а во некои ретки случаи да доведе и до инфекции опасни за животот. Причина за тоа е што со стискањето на мозолките се отвора кожата, а бактериите од прстите може да стигнат до крвотокот. Дерматолозите предупредуваат дека особено е опасно ако стискате мозолки во тн. „опасен триаголник„ – кожата од аглите на устата до коренот на носот. Крвните садови од овој дел на лицето се поврзани со мозокот, а евентуална инфекција може да доведе до парализа, слепило или смрт.
Не ја миете салата
Не миењето на зеленчукот или салатите пред консумирање, изложува на ризик од зараза од Ешерихија коли или салмонела. Стручњаците предупредуваат дека овие штетни бактерии може да се задржат микроскопски ситните превиткувања во салата, поради што е важно добро да се измие пред консумирање. Исто така, едно од опциите е салатата или зеленчукот да се мие во сад со вода и неколку капки бело вино или оцет, бидејќи тоа е природен начин на дезинфекција.
Пиете жешко кафе или чај
Луѓето кои пијат многу топли течности, изложени се на поголем ризик од рак на хранопроводникот, предупредуваат стручњаците од СЗО. Се смета дека високите температури може да ги оштетат клетките на кожата со која е обложен хранопроводот. Значи, немојте да дувате во кафето или чајот, туку причекајте малку да се излади.
Ги сушите рацете на апарат за сушење
Студија покажала дека апаратите за сушење на раце во јавните тоалети може да ги вшмукаат фекалните бактерии од воздухот и да ги пренесат на чистите раце. Избегнувајте ги овие апарати, наместо тоа, збришете ги рацете со хартија за бришење!
