Малкумина се оние кои не се запрашале што се случува со човекот кога умира. Австралискиот невролог, доктор Камерон Шоу нема информации за тоа постои ли човекот и после смртта, но затоа открил што се случува со мозокот неколку моменти пред животните функции да се изгаснат.
Тој сецирал човечки мозок кој една жена решила да го донира на Универзитетот Деакин после својата смрт, а за потребите на науката.
Кога го расекол мозокот, ја објаснил неговата структура и како одделни делови се однесуваат во моментот на смртта. Објаснил како мозокот се развивал низ годините за време на еволуцијата на човековото тело. Научниците веруваат дека прво се развило најпримитивното подрачје на човековиот мозок – базалните ганглии кои ги контролираат основните човечки желби како глад, сексуални желби и движења.
Структурите поврзани со вишите интелектуални и емоционални функции – хипокампус и темпорален дел – се создале нешто подоцна, а на човекот му даваат можност за памтење и учење. За мозочната кора, надворешниот слој на мозокот, се верува дека се создала последна. Таа содржи четири дела кои ја контролираат човековата моралност и способноста да ја планираат иднината. Оваа поделба на мозокот е клучна за разбирање на смртта затоа што доктор Шоу објаснува како мозокот умира во фази. Како дотокот на крв во мозокот доаѓа од внатрешноста, надворешните слоеви кои ги контролираат поголемите и „похумани“ функции како што се личноста и чувство за иднина, умираат први и тоа во првите 10 до 20 секунди. Подрачјата кои го контролираат памтењето и комуникацијата умираат следни, а јадрото останува последно. Иако всушност човекот е жив се додека јадрото на мозокот е функционално, затоа што дава витални знаци, д-р Шоу објаснува дека човекот во таа состојба всушност вегетира.
„За таква личност може да се каже дека мртва затоа што не е свесна ни за себе ни за околината околу себе, но ако базалната структура остане нечепната човекот и понатаму ќе дише и ќе има пулс“, објаснува д-р Шоу.
