Истражувачите од Школата за медицина Јеил, откриле дека SARS-CoV-2 може на вирусот на клетките на мозокот. Студијата, објавена во Journal of Experimental Medicine би можела да им помогне на истражувачите да развијат третмани за различни невролошки симптоми, поврзани со КОВИД-19.
Иако КОВИД-19 првично се смета за респираторна болест, SRAS-CoV-2 може да влијае на многу други органи во телото, вклучувајќи го и централниот нервен систем. Инфекцијата е поврзана со низа симптоми во распон од главоболка, преку губење на осетот за мирис и вкус, до делириум, мозочен удар и цербрални крварења.
“Полека почнуваме да ги сфаќаме долгорочните последици на КОВИД-19, од кои некои го вклучуваат и централниот нервен систем“, вели Акико Ивасаки од Медицинскиот факултет при Јеил Универзитетот.
Научниците се обиделе да пронајдат одговор на прашањето дали SARS-CoV-2 може да ги зарази невроните или други видови на мозочни клетки. Користејќи минијатурни 3Д органи, направени во лабораторија, откриле дека вирусот можел да ги зарази невроните во тие органоиди и да го користи механизмот на невронските клетки за репликација.
Се чини дека вирусот ја олеснува репликацијата засилувајќи го метаболизмот на заразените клетки, додека соседните, незаразени неврони умираат, оти им се намалува обезбедувањето кислород.
SARS-CoV-2 влегува во белодробните клетки врзувајќи се на протеинот АСЕ2, но не е јасно дали тој протеин е присутен на површината на мозочните клетки. Тимот од Јеил утврдил дека протеинот АСЕ2 всушност го произведуваат невроните и дека блокирањето на овој протеин го спречува вирусот од човечките органоиди во мозокот.
SARS-CoV-2 исто така можел да го зарази мозокот кај глувците генетски создадени за производство на човечки АСЕ2, предизвикувајќи драматични промени во крвните садови на мозокот, кои би можеле да го пореметат обезбедувањето на органите со кислород. Инфекцијата на централниот нервен систем кај глувците била многу посмртоносна од инфекциите органичени на белите дробови.
Истражувачите го анализирале мозокот на тројца пациенти кои починале од КОВИД-19. Коронавирусот бил откриен во киртикалните неврони на еден пациент, а заразените регии на мозокот биле поврзани со исхемиски инфаркт при кој намаленото обезбедување крв предизивикува локализирано оштетување на ткивото и клеточна смрт. Микроинфаркти биле откриени при обдукцијата на мозокот на сите три пациенти.
Истражувањето јасно покажува дека невроните може да станат мета на инфекцијата со разорувачки последици на локализирана исхемија во мозокот и клеточна смрт.
