Студиите покажуваат дека откако ќе наполнат 70 години, само десет проценти од жените и пет проценти од мажите кои некогаш страдале од мигрена и понатаму имаат проблеми со неа.
“Познато е дека повторувачките епизоди на главаболки предизвикуваат промена на структурата и функцијата на мозокот, што ја објаснува комплексноста на ова невролошко нарушување. Освен генетските причини, големо влијание има и околината на лицето со мигрена, но и воспалението, кое може да прогредира во зрелоста. За време на стареењето, мозокот почнува да ги губи клетките и да се намалува. Следствено, доаѓа до намалување на некои невролошки функции и бројот на сигнални патишта, што може да го објасни намалувањето на мигрената во староста“, објаснува неврологот доц. д-р Сандра Моровиќ.
Раното лекување може да ја стабилизира, па дури и да ја намали прогресијата на ова нарушување со текот на времето. Зачувувањето на здравјето, како што се одржување на соодветна телесна тежина, умерен внес на кофеин, лекување на нарушувањата на спиењето и други мерки на животниот стил може да помогнат во контролата и ограничувањето на мигрената во текот на животот, но и да ја зголеми веројатноста за подобрување и намалување на тегобите во зрелоста и староста.
ПРАВИЛНА ИСХРАНА И МИГРЕНА
Правилната исхрана е пресуден фактор за спречување на честото појавување на тригерите за напади на мигрена, но на заболените од мигрена понекогаш им е тешко да најдат комбинација на намирници кои ќе им помогнат во креирањето на идеално мени прилагодено на задоволување на нутритивните потреби.
Заболените од мигрена имаат докажан недостаток на магнезиум, витамин Д, витамини од групата Б и омега 3 масни киселини. За да го надоместат дефицитот и да му помогнат на организмот да се бори против мигрената, секако се препорачува да се консумираат намирници богати со овие хранливи материи.
Масната и тешка храна, чоколадото и алкохолот се главните тригери за мигрена. Во период на напад на мигрена секако се препорачува лесна храна богата со незаситени масни киселини, магнезиум и витамини од Б групата, објаснува д-р Марина Крпан.
ПРЕПОЗНАЈТЕ ГИ РИЗИК ФАКТОРИТЕ, Т.Е. ТРИГЕРИТЕ ЗА НАПАДИ НА МИГРЕНА:
- Спиење – недостаток или премногу сон, промена на рутината на спиење
- Дехидрација – недоволен внес или претерано губење на течности
- Силни надразби – долготрајна изложеност (светло, звук, силни мириси)
- Пушење
- Кофеин – промени во внесот како нагло прекинување на земање, претерано земање кофеин (повеќе од три до четири шолји кафе на ден)
- Стрес – чест тригер за напади на мигрена (вклучен во 80% од нападите)
- Промени во животните навики и рутина – гладување, пропуштени оброци, долги патувања
- Одредена храна и пијалаци – алкохол (црвено вино)
- Нарушувања на расположението – депресија и вознемиреност
- Ментруален циклус – хормоналните промени може да бидат провоцирачки фактори за мигрена
- Физичка активност – недостаток на физичка активност или прекумерна телесна активност
- Траума на главата и вратот
