Самопрегледот на дојките е важен дел од грижата за здравјето и секоја жена би требало редовно да го прави, но тоа голем број жени не го применува. Една од причините е незадоволството од изгледот на своите гради, покажало едно неодамнешно истражување на Универзитетот Англиа Рускин.
Големината на градите е директно поврзана со намалената честота на самопреглед, ниската самодоверба околу откривање на промени во дојките и избегнувањето на посета кај лекар кога ќе забележат јазол, вели водачот на студијата, проф. д-р Вирен Свами.
Во студијата учествувале 384 жени од Велика Британија, а поголемиот процент од нив не биле задоволни од изгледот на своите гради. Над 31 % од нив би сакале помали гради, 44 % би сакале поголеми, а една третина признала дека многу ретко или воопшто не прават самопреглед на градите.
Загрижува тоа што секоја десета жена од испитаните рекла дека би го одложила лекарскиот преглед колку што е можно повеќе, а два проценти целосно би го избегнале.
Резултатите се објавени во списанието Body Image.
