Заради начинот на снадбување крв во и делот околу носот можно е, иако поретко, но инфекцијата да се прошири од тој дел на мозокот, да доведе до тромбоза, менингитис или апсцес на мозокот (гнојно воспаление). Тоа е можно заради венската комуникација, велат стручњаците.
Чувствителното подрачје на лицето се нарекува „триаголник на смртта“, а ја опфаќа горната усна, подрачјето меѓу усните и носот, како и носот и делот од челото кој се наоѓа над коренот на носот. Овој дел е поврзан со крвни садови за деловите од черепот каде инфекциите брзо се шират. Најчест причинител за инфекции е бактеријата стафилокока.
Во случај на инфекција важно е што поскоро да се почне со лекување со антибиотици за инфекцијата да не се прошири и да го загрози животот. Кожата на лицето е полна со бактерии, но во исто време не штити сите тие бактерии да не навлезат во телото. Но, кога кожата е оштетена, а тоа се случува кога ги стискате мозолчињата или ги кубете влакненцата од носот, тогаш патот на бактериите им е отворен и лесно може да дојде до инфекција понекогаш и со сериозни последици.
Доколку забележите длабока дупка или циста под кожата на лицето во овој дел, односно „триаголникот на смртта“, не би било лошо да побарате стручно мислење. Редовно менувајте ги козметичките ’алатки’ затоа што знаат да бидат полни со бактерии.
