Секојдневното земање на ниски дози на ацетилсалицилна киселина може да помогне во намалување на ризикот од рак на јајници и да го подобри преживувањето во случај на рак на јајниците, покажале резултатите на две нови студии.
Имено, се докажало дека ацетилсалицилната киселина во ниски дози (81 mg) го намалува ризикот од рак на јајници за 10 проценти и ја подобрува стапката на преживување за 30 проценти.
Ракот на јајници е петта водечка причина за смрт од карцином кај жените, главно поради тоа што предоцна се дијагностицира
Инаку, некои претходни студии покажале дека ацетилсалицилната киселина и некои други нестероидни антиинфламаторни лекови, како што се ибупрофен и напроксен, може да го намалат ризикот од некои видови на карцином, најчесто рак на дебелото црево, пишува The Lancet Oncology (Journal of the National Cancer Institute).
