Резултати од нова студија укажуваат да нискомасен и нискојаглехидратен појадок може да им помогне на заболените од дијабетес тип 2 во текот на денот да го држат нивото на шеќерот во крвта под контрола.
Голем скок на шеќерот во крвта кој се забележува по појадокот е последица на комбинација на изразената инсулинска резистенција наутро кај лицата со дијабетес тип 2 и типичната западна исхрана за појадок – житарки, овесни снегулки, тост и овошје – кои се богати со јаглехидрати. Затоа се смета дека појадокот е најпроблематичен оброк кој доведува до зголемување на нивото на шеќерот во крвта кај лица кои имаат дијабетес тип 2.
Според мислењето на стручњаците, нискомасниот и нискојаглехидратниот појадок е едноставен начин да се спречи зголемување на нивото на шеќерот и ја подобрува контролата на гликемијата во текот на денот, кој дури може и да ги намали и останатите компликации од дијабетесот.
Во студијата било воочено дека гладтта пред јадење и потребата за благо подоцна во текот на денот, обично била помала ако појадокот бил со низок процент на јаглехидрати.
