МИОКЛОНУС е кратко грчење на мускулите кое може да се појави одвоено или во група, како и следствено или случајно. вообичаената форма на миоклонус додека сме будни е икањето, што е брза контракција која влијае на дијафрагмата. Миоклонус во спиење е форма која се јавува за време на спиењето, обично во фазата непосредно пред длабокиот сон. Познат е и како хипнотички грч.
Се работи за ненамерно грчење на мускулите додека лицето заспива. Оваа појава името го добила по хипнотичката состојба, односно преодниот период меѓу будноста и сонот.
Грчеви на мускулите може да настанат спонтано или може да бидат предизвикани од надворешни влијанија како звук или светло. Некои луѓе тврдат дека со грчот доживуваат и халуцинации, пишува Лајв сајенс.
Научниците веруваат дека стресот, големите количини кофеин, заморот и недостаткот на сон може да допринесат за почести појави на хипнотички грч, но оваа појава се уште не е доволно истражена.
Други тврдат дека до тоа може да допринесе и зголемената активност во вечерните часови. Стручњаците не се сигурни зошто точно се јавува тоа нагло движење, но постојат неколку теории.
- Една вели дека тоа е природен телесен премин од будна состојба во сон и дека се јавува кога нервите затајуваат при ваквиот процес.
- Друга популарна идеја се темели на еволутивната теорија и вели дека тоа се грчеви на древните рефлекс примати за да се опуштат мускулите додека потонувате во сон.
На пример, опуштањето означува дека приматот паѓа од стеблото, па тоа предизвикува брза реакција на мускулите. Сепак, научниците велат дека станува збор за безопасна и вообичаена појава за која не треба да се грижите.
