Низа истражувања укажале на опасноста од ноќната работа, но последното го утврдило тоа дека таа носи многу поголеми опасности по здравјето на жените. Во истражувањето учествувале 16 мажи и 18 жени кои поминале 28 часа без природен циклус на светлина и темнина, a на секои три часа решавале тест за внимание, меморија и моторни функции, го оценувале своето расположение и чувството на замор.
И едните и другите рекле дека почувствувале промени, но тестовите без сомнение покажале дека жените имале многу полоши когнитивни способности во раните утрински часови, што се совпаѓа со ноќната работа.
Претходните студии покажале здравствен ризик кај луѓето кои работат смени, и тоа ноќни, па не случајно во 2007 година Светската здравствена организација ја класифицираше ноќната работа како потенцијално канцерогена. Истражувања направени на Харвард, пак, предупредиле дека жените кои работат во ноќни смени имааат 11 проценти повисок ризик од предвремена смрт. Оние, пак, кои 15 или повеќе години работеле во ротирачки ноќни смени имале 25 проценти поголем ризик да заболат од рак на белите дробови.
