Ноќното станување за одење во тоалет е непријатна потреба која би можела да укажува на скриен здравствен проблем.Истражување на Европската асоцијација за кардиологија укажува на можноста да позади се стои хипертензијата (висок крвен притисок).
Овој “тивок убиец“ како што некои ја нарекуваат состојбата која на многумина им создава бројни понатамошни здравствени проблеми, во склад со останатите симптоми со кои се појавува, би можел да влијае и на потребата за уринирање навечер.
“Нашето истражување укажува дека потребата за ноќно мокрење воо тоалет – ноктурија, може да значи дека лицето има висок крвен притисок и вишок течности во организмот“, вели Сатоши Коно, лекар кој е дел ос истражувањето.
Резултатите покажале дека колку е почест бројот на одење воо тоалет, толку се поголеми шансите лицето да има проблем со зголемен крвен притисок. Оние кои го немале овој проблем имале значително помала и поретка потреба за ноќно мокрење.
“Заклучивме дека будењето поради уринирање носи дури за 40% поголема шанса да лицето има проблем. Почесто одење во тоалет, поголем ризик од хипертензија“, тврди д-р Коно.
Тој тврди дека ова истражување би можело да помогне во рано откривање на болести и било какви проблеми поврзани со здравјето на срцето и крвните садови. Со оглед дека од висок крвен притисок страда околу една милијарда луѓе во светот, секако дека на пациентите треба да им се укаже на овој ран симптом, смета лекарот.
“Раното препознавање на хипертензијата е многу важно во превенција на кардиоваскуларните болести. Затоа е важно да се вклучи ноктуријата како симптом, не само за болести на уринарниот тракт, туку и за системски болести како хипертензијата“, нагласува д-р Коно.
Но, треба да се нагласи и дека ноќната потреба за мокрење не е исклучиво само поврзана со крвниот притисок. Цела низа фактори влијаат на тоа, како количината на сол, генетиката, количината на вода што се внесува и начинот на живот.
