Чувството кога мочниот меур ќе ве разбуди во три часот наутро е еден од најлошите начини на кој можете да се разбудите, а речиси секој од нас тоа го доживеал во некој момент од животот. Но дали сте знаеле дека понекогаш зачестеното мокрење може да биде знак за здравствени проблеми?!
Според новата студија „Japanese Circulation Society“, луѓето кои се разбудиле барем еднаш во текот на ноќта за да појдат во тоалет, имале за 40 отсто поголема веројатност дека ќе имаат проблем со висок крвен притисок, а оние кои се буделе по неколку пати на тој ризик биле изложени уште повеќе. Се разбира, тоа не значи дека вашите ноќни посети на тоалетот се сигурен знак дека сте во опасност од висок крвен притисок, но ако веќе сте изложени на ризикот од хипертензија заради пушење, алкохол или генетика можеби не би било лошо да бидете внимателни.
Ноктуријата, како што уште и се нарекува оваа појава, општо се дефинира како станување барем еднаш во текот на ноќта за да го испразните меурот. Без оглед дали го користите терминот никтурија (грчки: nyx) или ноктурија (латински: nox) нема да згрешите во изборот затоа што и двата збора етимолошки се однесуваат на грчката божица на ноќта. Кога зборуваме за оваа појава, по дефиниција треба да се разликуваат две можни ситуации:
- „Будење заради потребата за мокрење“ или вистинска ноктурија , како и
- „Кога сум веќе буден, одам да се олеснам“, што не треба да се вбројува во ноктурија.
Уролозите препорачуваат да не пиете течност два до четири часа пред спиење за да ги спречите ноќните посети на тоалетот.
Некои вообичаени лекови кои се користат за лекување на отоци и висок крвен притисок, исто така, се диуретиците. Ако ги земате, земете ги шест или повеќе часа пред спиење. Дијабетесот, исто така, може да биде една од причините зошто се будите сред ноќ за да мокрите. Меурот во тој случај се полни побрзо од вообичаено. Исто така, зачинетата храна, алкохолот и инфекциите на мочниот систем можат да го „измамат“ вашиот меур мислејќи дека е полн.
Причините за оваа појава се многубројни, а, секако, треба да се наведе стареењето, претерано активниот мочен меур (англиски: overactive bladder – OAB) и ноктурија во склоп на симптомите на пореметена микција заради зголемена и опструктивна простата. Не се само уролошките проблеми причина, треба тука се вбројат и двата вида дијабетес (мелитус и инсипидус), срцевата слабост со појава на едем (таканаречено конгестивно затајување на срцето), како и едеми и други причини. Неприкладното ноќно лачење на антидиуретскиот хормон (ADH) на хипофизата може да биде ендокринолошка причина за ноктурија. Понатаму треба да се наведе и венската инсуфициенција на долните екстремитети, хронично бубрежно затајување со зголемено серумско ниво на калциум и намалување на калиум, ноќни апнеи, пореметен сон, некои невролошки болести итн. Ништо помалку не е значајна ниту моќта на поголемите количества течности кои се земаат навечер, ова особено се однесува на кофеинот и алкохолот. Како што стареат мажите, може да се случи нешто што се нарекува бенигна хиперплазија на простата или зголемување на простата што може да резултира со притисок на меурот, па заради тоа да се мисли дека е потребно празнење почесто од што се случува инаку.
Според истражувањата, повеќето луѓе мократ четири до осум пати дневно. Уринирањето повеќе од осум пати на ден може да биде знак за поголеми проблеми.
