Сите авторизирани тестови за домашна употреба даваат валидни резултати ако се користат во нос. Но, со оглед дека омикрон варијантата предизвикува болно грло, една мала студија покажала дека можеби примерокот треба да се зема од грло. Таа информација буди бројни прашања. Така, во Англија постојат тестови кои нудат и упатства за оние кои примерокот сакаат да го земат од грло.
КОЛКУ СЕ ТОЧНИ РЕЗУЛТАТИТЕ АКО ПРИМЕРОКОТ СЕ ЗЕМЕ ОД ГРЛО?
Во Америка владее мислењето дека домашните тестови се точни и дека ќе покажат ако во носот имаме вирус.
Стручњаците велат дека користењето на тестот со земање примерок од нос во 95,6 отсто открива присуство на вирусот, 7 дена по појавата на симптоми, која инфекцијата е најсилна. Дел од производителите на овие тестови не сакаат да коментираат ништо за користењето на тестот преку грло, наведувајќи дека тие не се ваторизирани за користење во грло.
Некои неодамнешни докази одат во прилог на новата метода, а научниците од Универзитетот Калифорнија наведуваат дека резултатите од студијата која ги споредувала резултатите од примероци од домашен и ПЦР тест што мора да го направт професионалци, се еднакво точни. Значи, резултатите од студијата даваат до знаење дека двата теста даваат вистински резултати кога е во прашање омикрон варијантата.
Со оглед дека при испитувањето резултатите од тестовите за домашна употреба и ПЦР тестовите се совпаѓале, тоа би можело да значи дека носот е еднакво добро место за земање примерок. Истата група научници планира да ги провери овие тврдења во скоро време.
ЗОШТО МНОГУМИНА САКААТ ДА СЕ ТЕСТИРААТ ПРЕКУ ГРЛО?
SARS-CoV-2 е респираторен вирус кој влегува преку носот или устата, а тој може да патува низ воздухот и да се пренесе на друго лице од тврда површина. Додека претходните соеви на вирусот се фокусираа на белите дробови, омикрон ги “сака“ носот и грлото. Некои студии покажаа дека вирусот најпрво го инфицира грлото, а потоа се сели кон носот, што значи дека земањето примерок од грлото може да даде точни резултати кај заразено лице.
“Ова прв пат го гледаме кај КОВИД, така што има некаква смисла дека нивото на вирусот е повисоко во грлото“, вели д-р Дијана Хавилр.
Но, ФДА не не ги авторизира домашните тестови со стапче за собирање примерок од грло, поради потенцијална опасност. “Кога станува збор за домашните тестови, тие се користат за носот, а не за грлото“, истакнуваат од ФДА. Предупредувањето е поради тоа што некои луѓе користеле домашни тестови во грло, откако прочитале дека некои го прават тоа и дека таквиот примерок може да даде поточни резултати и од ПЦР тестот.
Студијата на д-р Хавилр вклучила и лице кои ги користеле тестови на образите, а таа наведува дека таквото користење на брзите и ПЦР тестовите давало бројни лажни резултати.
Тоа не значи дека тестот на плунка не дава точни резултати и дека не е корисен – тој ќе послужи да се земе примерок, но тој треба да се провери од страна на стручно лице.
