Носењето маска за лице не може да доведе до труење со јаглероден диоксид (СО2), дури и кај луѓе со белодробни заболувања, како што се хронична опструктивна белодробна болест (ХОББ), укажува нова студија. Овие резултати ги побиваат тврдењата дека носењето заштитна маска за лице за да се спречи ширењето на новиот коронавирус, може да го загрози здравјето на некои луѓе.
Резултатите од оваа студија покажале дека негативните ефекти од носењето заштитна маска се минимални, дури и кај лица со многу тешки оштетувања на белите дробови.
Диспнеа – чувство на отежнато дишење што некои луѓе го чувствуваат кога носат заштитна маска, не е синоним за промени во размената на гасови.
Таа веројатно се јавува поради ограничување на протокот на воздух при носењето маска, особено кога е потребна поголема вентилација (при напор). На пример, ако одите бргу по угорницата, може да почувствувате недостаток на здив, а ако маската е премногу тесна, може да го зголеми тоа чувство. Решение: Забавете или извадете ја маската ако сте на безбедно растојание од други луѓе.
Според мислењето на експертите, непријатноста поврзана со употребата на заштитна маска за лице не треба да доведе до неоснована безбедносна загриженост, бидејќи тоа може да ја намали примената на пракса, која докажано го подобрува јавното здравје.
