Долгото изложување на очите на УВ зраците е поврзано со појава на катаракта, дегенерација на мускулот на окото, но и со некои видови рак заради што е мошне важно да се посвети внимание на очилата и леќите кои ги носиме во лето.
Луѓето кои носат леѓи треба да посветат внимнаие на нивното одржување и употребата во летните месеци. А она што треба да се знае е и дека – не штитат сите леќи на ист начин и не се погодни за на плажа. Пливањето и воопшто капењето со леќи не се препорачува. Во текот на летото солзите побрзо и повеќе се слушат, па на луѓето кои носат леќи им е потешко да ја одржат влажноста на окото. Мора да надоместат со вештачки сози кои ќе го обноват и задржат солзниот филм. Затоа добра опција се и еднодневните леќи кои содржат УВ филтри кои штитат од штетното зрачење и со нив немате потреба да се грижите за одржувањето и дезинфекцијата – се носат само еден ден.
Но без разлика на тоа какви леќи ќе избрете она што го препорачуваат офталмолозите е дека со леќи не се нурка. На леќите за време на нуркањето може да се закачат бактерии и нечистотија, па дури и некои амеби. На тој начин ризикувате да добиете кератитис и конјунктивитис.
Кога станува збор за очилата, пак, имајте на ум дека заштитата НЕ зависи од бојата на стаклата. Немојте да мислите дека оние со темна боја овозможуваатт подобра заштита. Проверете го произведувачот и какви филтри имаат стаклата.
