Информациите за новиот коронавирус стигнуваат секојдневно, а најважни се веројатно оние за начинот на заштита. Додека се уште трае расправата за тоа како се носи маска воо јавност, истото прашање се поставува и за ракавиците. За да во целост го заштитите своето здравје, стручњаците даваат насоки за тоа како правилно се користат ракавици.
КОРИСТЕЊЕ РАКАВИЦИ
“Ракавиците не се препорачуваат за оштата јавност. Нив треба да ги носи медицинскиот персонал во контакт со заразено лице, но и лице кое има други дијагнози“, појаснува деканот на Универзитетот Феникс, Катлин Винстон.
Освен што со масовната набавка на ракавици доаѓа до недостаток на истите, тие не штитат во целост. Светската здрасвтвена организација постојано нагласува колку е важно да има доволно ракавици на располагање за медицинскиот персонал. Сепак, многу лица носат ракавици, па ако припаѓате во таа група, продолжете да читате.
ВИДОВИ РАКАВИЦИ
Не се сите ракавици исти, можеби и тоа сте го забележале. Постојат три вида на медицински ракавици, а д-р Винстон појаснува дека оние кои не се наменети за медицинскиот персонал не штитат од ширење на вирусот.
“Платнените или ракавиците од било кои дупчест материјал нема да бидат заштита. За заштита се користат оние од латекс, винил или нитрил. Носењето на ракавици може да нуди чувство на лажна безбедност, а тоа не мора да биде така, особено ако продолжувате да го допирате лицето со раце“, вели д-р Синтоја Вестон.
НЕ СМЕЕТЕ ДА ДОПИРАТЕ СÉ И КОГА ИМАТЕ РАКАВИЦИ!
Освен допирање на лицето, избегнувате и допирање на површини.
“Тие може да бидат дом на вирусот, а единствен начин на заштита е постојано чистење на тие површини“, истакнуваат од СЗО.
Според досегашните спроведени истражувања, дали и колку вирусот ќе се задржи на површината зависи од многу фактори, како влага, температура и светлина.
ПРАВИЛА ЗА ПОВТОРНО КОРИСТЕЊЕ И ЧУВАЊЕ НА КОРИСТЕНИ РАКАВИЦИ
Ако користите ракавици, но не ги фрлате веднаш по користењето, може да го пренесте вирусот на се што ќе допрете. Исто така, нема смисол да ги дезинфицирате ракавиците и повторно да ги носите.
“Ракавиците не се наменети за повторна употреба и може да бидат контаминирани и истото да го направите на површините кои ги допирате“, вели Вестон и додава дека најважна работа е хигиена на рацете кои треба да се мијат често и тоа 20 секунди пред користење и по користење на ракавици.
НЕ КОРИСТЕТЕ ГЕЛОВИ ЗА ДЕЗИНФЕКЦИЈА НА РАКАВИЦИТЕ
Можеби користите ракавици при пазарување и се прашувате дали треба да ги измиете по излегувањето од продавница. Д-р Винтсон нагласува дека ракавиците не смеете да ги миете, да ги мачкате со гел или да ги дадете на некој друг. Тие се направени за еднократна употреба, а гелот за дезинфекција може само да ги оштети. Најпаметно е да се фрлат користените и да се стават нови.
Ако не ги носите ракавиците како што треба можете да си нанесете поголема штета отколку корист, бидејќи кој не носи ракавици почесто ги мие рацете и многу повниматален што допира.
КАДЕ МОРА ДА СЕ НОСАТ РАКАВИЦИ?
Без оглед каде одите, не е обврска да носите ракавици. Сепак, ако инсистирате, носете ракавици во продавница или аптека, внимавајте да не го допирате лицето додека ви се на раце, а кога ќе завршите, фрлете ги веднаш и убаво измијте ги рацете.
