Тесните фармерки се апсолутен хит, а, веројатно, и вие ги носите. Проблемот со нив е што можат да направат низа непријатности во интимната зона – од триење за време на одењето до непријатно притискање „таму долу“ кога седите малку подолго, а лоши се и за здравјето на интимната зона.
Стручњаците се согласни дека за габичните инфекции во голем дел виновник е и облеката која ја носиме.
Доктор Хилари Џоунс истакнува дека „габите можат да се развијат благодарение на тесната облека, како што е џинсот или долната облека од ПВЦ материјал, бидејќи спречуваат природен пророк на воздух.“ Тие предупредуваат дека некои габични инфекции ги предизвикува кандидата која „сака“ топли, влажни места, така што супертесните фармерки и тоа како и одговараат.
Лекарите затоа предупредуваат да одбегнувате носење и на тесна долна облека, особено ако чувствувате чешање во интимната зона. Но не се баш сите стручњаци согласни со тоа дека тесните фармерки се причина за габични заболувања.
На пример, гинекологот доктор Тами Ровен вели дека тесните фармерки можат да бидат причина за непријатност, можеби и иритација, но не и габични инфекции.
„Тесните фармерки кои создаваат триење и притисок на интимната зона можат да бидат причина за иритација затоа што ја иритираат кожата“, објаснува таа и согласна е дека тесните фармерки и другите парчиња облека можат да придонесат за развојот на габични инфекции, но обично во комбинација со други фактори, како на пример, промена на прашокот за перење.
Британскиот Систем за здравствена и социјална нега како главна причина за габичните инфекции и дисбаланс на бактериите ги наведува:
- Иритација или оштетена кожа;
- Земање антибиотици;
- Дијабетес кој не е под контрола;
- Ослабен имунитет (на пример, заради ХИВ или хемеотерапија);
- Менопауза;
- Бременост.
Освен што придонесуваат за развојот на габични инфекции, тесните фармерки се виновни и за некои други проблеми. Медицинскиот работник Лиса Стерн предупредува на „синдромот тесни панталони“, истакнувајќи дека најчестите симптоми се вагинален секрет (обично бел, понекогаш жолт, најчесто густ), болка во карлицата, чешање „таму долу“.
„Понекогаш, особено кај жените кои се бричат, тесните панталони можат да ја иритираат кожата“, додава таа.
Стернова додава дека многу луѓе овие промени не ги поврзуваат со облеката, туку „синдромот тесни панталони“ го мешаат со полово преносливите болести, габични инфекции, осип… Значи, габичните инфекции се јавуваат како резултат на комбинацијата на одредени фактори, но очигледно дека носењето тесни фармерки може да предизвика иритација и низа други проблеми кои можат да влијаат на интимното здравје. Затоа обидете се макар да не ги носите секојдневно.
