Настинката или алергиските реакции не се баш секогаш причина за течење на носот. Носот може да тече и заради загаден воздух, консумирање зачинета храна, силни мириси, а некогаш и заради силни емоции, тврдат научниците од Универзитетот во Колорадо.
Во лабораториски услови тие успеале да индентификуваат таканаречени солитарни хемосензорни клетки во слузокожата на носот, кои ги детектираат можните наведени иританси. Кога овие клетки ќе почувствуваат присуство на иританси, веднаш испраќаат порака до нервните завршетоци на тој начин предизвикиувајќи ланчана реакција.
„Нервите, всушност, ослободуваат супстанца со која организмот се обидува да се одбрани, доведувајќи до инфламаторен одговор. Последица на таквата реакција е реакцијата на течење од носот, а понекогаш и отежнато дишење. Проблемот е што за ова течење на носот нема специфичен лек, освен чаеви и шамичиња“, истакнува доктор Томас Фингер, член на истражувачкиот тим во Колорадо.
