Сознанието како внатрешниот часовник на секој од нас се поклопува со реалното време може да има големо влијание на здравјето.
Научници од Медицинскиот факултет во Чикаго развиле крвен тест “Time Signature“ кој преку маркери на експресиските гени дава увид во тоа колку часовникот во нашето тело е во однос со времето во надворешниот свет. Научниците тврдат дека тој тест е револуционерен бидејќи со негова помош подобро ќе се разбере внатрешниот часовник на секој поединец и на тој начин ќе се оптимизира животот.
На пример, може да биде осум часот наутро, но нечие тело функционира како да е шест или дури помалку.
Тестот кој мери 40 различни експресиски гени во крвта, може да се изведе во било кој дел од денот, без разлика на нечиј циркадијален ритам, а голема работа е што подобрите сознанија за внатрешниот часовник може да помогнат лицето подобро да располага со времето, а зема лекови во најдобриот момент и можеби дури и да спречи болест, велат стручњаците.
“Веќе постојат многу докази дека ускладувањето на внатрешниот часовник и времето, кога се планираат одредени активности во текот на денот, влијаат на вкупното здравје. Интерните часови се разликуваат од лице до лице, па така постои и оптимално време кога треба да се спие, вежба, јаде“, вели д-р Мелиса Хилаир од Медицинскиот факултет во Чикаго.
Кај здравите луѓе внатрешното време варира околу пет часа, што значи дека идеално време за спиење за некои лица може да биде девет навечер, а за некои идеално време за одмор е во два часот после полноќ. Ако се обидете да спиете во време кое не е идеално за вашиот внатрешен часовник, тогаш имате проблем со спиењето.
Јадењето во “погрешно“ внатрешно време може да предизвика промени во метаболизмот, вклучувајќи дебелеење.
Научниците истакнуваат дека пореметувањето во циркадијалниот ритам е поврзано со депресијата, невродегенеративни болести и метаболички пореметувања.
