За оваа инјекција се зборува како за „најдобар третман против дебелина досега“, а велат дека е подобра опција и од подврзувањето желудник затоа што нема никакви несакани ефекти. Научниците објаснуваат дека дека го забрзува слабеењето благодарение на коктелот хормони кои согоруваат масти. Исто така, тестовите покажале дека кај дијабетичарите помогнала во враќањето на нивоата на шеќер во крвта за еден месец.
„Постои реална потреба за нови лекови за да можеме да ги подобриме и спасиме животите на многу пациенти. Дебелината и дијабетесот тип 2 можат да доведат до сериозни и потенцијално смртоносни состојби, како карцином, инфаркт и срцеви болести. Во споредба со другите методи и третмани, овој неинвазивен лек го намалува нивото на глукоза на речиси нормално ниво кај нашите пациенти“, вели професор Триша Тен од Империјал колеџот во Лондон.
Таа објаснува дека оваа инјекција ги имитира ефектите на подврзување на желудникот, но дека ги нема споредните ефекти на операцијата. Подврзувањето на желудникот е често успешно, но може да доведе до компликации како болка во абдоменот, хронични мачнини, повраќање и мошне ниско ниво на шеќер во крвта.
Претходните студии на тимот на просфесорката Тен покажале дека операцијата на подврзување на желудникот „функционира“ заради три специфични хормони кои во цревата се ослободуваат во големо количество. Станува збор за хормоните кои го намалуваат апетитот, доведуваат до губење на вишокот килограми и ја подобруваат способноста на телото да го искористи шеќерот апсорбиран од храната.
Заради тоа тимот решил да спроведе експеримент и да провери дали хормоните ќе имаат ист ефект ако се вбризгаат со инјекција. Не само што ефектот е ист, туку и вбрзгувањето на хормоните на овој начин доаѓа без ризик од нус појави.
„Иако станува збор за мала студија, овој третман многу ветува и се покажало дека може многу да го подобри здравјето на пациентите за само четири недели. Доколку понатамошните истражувања бидат успешни, во блиска иднина овој третман би можело да им биде достапен на многу пациенти“, истакнала професорката Тен.
