Лековите за намалување на нивото на холестерол може да ја зголемат шансата за преживување при инфекцијасо КОВИД-19 и да го намалат ризикот од развој на тешка форма на болеста, покажуваат резултатите од ново истражувања.
Анализа на над 10.000 лица примени во 140 болници во САД открила дека статините, лекови кои го намалуваат холестеролот, како и лековите за крвен притисок, ја намалиле смртноста од коронавирус за 40 проценти меѓу оние кои ги земале пред хоспитализацијата.
Намалениот ризик од смрт бил поголем кај оние кои земале само статини (46%), отколку кај пациентите кои користеле исклучиво лекови за покачен крвен притисок (27%).
Сличен однос на резултатите е и по прашање на непредувањето на болеста; лицата кои се лекувале со статини имале 25 проценти помал ризик од развој на тешка форма, додека кај оние кои пиеле лекови за притисок, тој ризик изнесувал 11 отсто.
Останале забележани предности дури и откако научниците го земале предвид консумирањето други лекови, здравствени услови и други податоци за пациентите, вклучувајќи го и нивното здравствено осигурување.
Позитивниот ефект од лековите е во тоа што тие можат да ги ублажат воспаленијата во телото кои чест жо предизвикуваат тешки исходи кај заразените со коронавирус, тврдат истражувачите.
“На почетокот на пандемијата, не интересираше дали лековите за лекување на болести на кардиоваскуларниот систем негативно ќе влијаат на инфекцијата предизвикана од SRAS-CoV-2“, вели авторката на истражувањето Лори Даниелс.
“Откривме дека не само што статините и лековите за лекување хипертензија се безбедни, туку дека тие може да ги заштитат пациентите со коронавирус, особено оние кои страдаат од хипертензија и кардиоваскуларни болести“, додава д-р Даниелс, професорка на Универзитетот Калифорнија.
