Многу предизвици кои тинејџерите ги прифаќаат и се натпреваруваат во нив се мошне опасни по здравјето, а последниот во низата е прскањето дезодоранс на гола кожа.
Здрави предизвици се оние кои се поврзани со вежбањето и тие се секогаш добредојдени, но не и оние кои повикуваат на самоповредување како што е и најновиов. Станува збор за предизвик кој налага да прскате дезодоранс директно на кожата и тоа колку подолго можете. Во прашање е прилично болен предизвик, а една мајка објавила фотографија со повредите кои ги „заработила“ нејзината десетгодишна ќерка со цел да ги предупреди останатите родители.
„За сите родители, ве молам седнете со децата и покажете им ги овие фотографии“, напишала Џејми Прескот.
Кога дезодорансите се користат според упатствата тие се во потполност безбедни и не постои можност за горење на пазувите. Струњаците предупредуваат дека на децата треба да им се објасни штетноста на оваа постапка, како и дека дезодорансите треба да се користат според упатството, затоа што во спротивно ќе се повредат.
