Бактериите кои веќе стекнале отпорност на вообичаените антибиотици стануваат резистентни и на геловите за раце во болниците, кои се базираат на алкохол, потврдиле австралиските научници.
Експериментите извршени на Универзитетот во Мелбурн го идентификувале овој проблем кај Enterococcus faecium, бактерија, која е одговорна за 10 % од болничките инфекции ширум светот
Причината за резистенција на геловите за раце се мутации на гени, поврзани со клеточниот метаболизам, кои доведуваат до промени во клеточните мембрани и зголемена отпорност на дејството на алкохолот.
Во Европа и во Северна Америка, Enterococcus faecium е четврта најчеста причина за сепса, а според податоците за САД, резистентниот облик носи околу 1 000 животи годишно.
Резултатите од новото истражување се објавени во стручното списание „Science Translational Medicine“.
