Научниците тврдат дека коронавирусот може да предизвика и проблеми со слухот, кај лица кои претходно немале проблеми со тоа.
Прв ваков случај е откриен на Тајланд, кај жена кај која и откако респираторните проблеми се повлекле, проблемите со слухот останеле присутни. Иако досега губењето на слухот како последица од новиот коронавирус не е забележан во литературата, сепак неодамна е објавена една студија во која 20 асимптоматски пациенти заразени со КОВИД-19 развиле проблеми со слухот. Тие биле на возраст помеѓу 20 и 50 години и пред тоа немале никакви медицински проблеми со слухот.
И друга студија од Иран објавена минатиот месец забележала шестмина заразени со КОВИД-19, на возраст од 22 до 40 години, кои имале благи симптоми на болеста, а кај кои дошло до проблеми со слухот. Четворица од нив имале тинитус (зуење во ушите), двајца биле со диганостициран вертиго (губење на рамнотежата која се поврзува со слухот), а сите пријавиле и дека послабо слушаат на едното уво.
И на Школата за медицина Џон Хопкинс во Лондон е потврдено дека кај одредени пациенти со КОВИД-19 бил детектиран коронавирус во средното уво и мастоидната коска која се наоѓа зад увото.
